motivation-126

ഒരു ദിവസത്തിന്റെ 24 മണിക്കൂർ സമയം നമ്മൾ എല്ലാവർക്കും ഒരുപോലെയാണ് കിട്ടുന്നത്. ചിലർ സമയത്തെ നല്ലതുപോലെ ഉപയോഗപ്പെടുത്തും, മറ്റു ചിലർ സമയത്തെ വെറുതെ പാഴാക്കി കളയും. നമ്മുടെ സമയം വിലപ്പെട്ടതാണെന്ന ചിന്ത നമ്മളിൽ ഉണ്ടെങ്കിൽ ഒരിക്കലും സമയം വെറുതെ പാഴാക്കി കളയാൻ നമ്മൾ ആരും തന്നെ താല്പര്യപ്പെടില്ല.

സമയത്തിന്റെ വില നമ്മൾക്ക് ഒരുപക്ഷെ എളുപ്പം മനസ്സിലാക്കാൻ സാധിച്ചെന്നു വരില്ല. ഒത്തിരി കാലങ്ങൾ കഴിയുമ്പോഴായിരിക്കും ഒരുപക്ഷെ നമ്മളിൽ പലർക്കും സമയം നഷ്ടപ്പെടുത്തിയതിന്റെ വേദന എത്രത്തോളമാണെന്ന് മനസ്സിലാവുക.

നഷ്ടപ്പെടുത്തിയ സമയം ഒരിക്കലും നമ്മൾക്ക് തിരിച്ചെടുക്കാനാവില്ലല്ലോ. കിട്ടുന്ന സമയത്തെ വേണ്ടതുപോലെ ഉപയോഗപ്പെടുത്തുക മാത്രമാണ് സമയം ഇനിയുള്ള നാളുകളിലെങ്കിലും നഷ്ടപ്പെടുത്താതിരിക്കാനുള്ള നമ്മുടെ മുൻപിലുള്ള മാർഗം.

കൃത്യമായി കാര്യങ്ങളെ കൈകാര്യം ചെയ്യാൻ നമ്മൾക്ക് ലഭിച്ച സമയങ്ങളെ വേണ്ടതുപോലെ ഉപയോഗപ്പെടുത്താൻ കഴിയേണ്ടതുണ്ട്.

നമ്മൾക്ക് ലഭിച്ച സമയം നഷ്ടപ്പെടുത്തിയിട്ട് അതിന്റെ പേരിൽ ഇനിയും സങ്കടപ്പെട്ടിരിക്കുന്നതിൽ അർത്ഥമില്ല.

കൃത്യമായി സമയത്തെ ഉപയോഗപ്പെടുത്തുന്നവരാണ് വിജയികൾ ആകുന്നത്. നമ്മളിലെ അലസതകളെ ഉപേക്ഷിക്കാൻ തയ്യാറായാൽ മാത്രമാണ് വിജയം നേടാനായി നല്ലതുപോലെ പരിശ്രമിക്കാൻ കഴിയുകയുള്ളു.

നമ്മുടെ സമയം ഏതെല്ലാം രീതിയിലാണ് പാഴായി പോകുന്നതെന്ന് തിരിച്ചറിയാൻ സാധിക്കേണ്ടതുണ്ട്. കൃത്യമായി നമ്മുടെ സമയനഷ്ടങ്ങൾ ഏതൊക്കെ മാർഗത്തിലൂടെയാണെന്ന് തിരിച്ചറിഞ്ഞാൽ ഒരുപക്ഷെ നമ്മൾക്ക് അതിനെ ഒരുപരിധിവരെയെങ്കിലും നിരന്തരമായ പരിശ്രമത്തിലൂടെ മറികടക്കാൻ സാധിച്ചേക്കും.

ഇനിയുള്ള നാളുകളിൽ നമ്മൾക്ക് ലഭിച്ച സമയത്തെ വേണ്ടതുപോലെ ഉപയോഗപ്പെടുത്താൻ നമ്മൾ ഓരോരുത്തർക്കും സാധിക്കട്ടെ.